Weblog

Thursday, 16 August 2007

Wednesday, 25 July 2007

  • 病病

    我病左呀! 個人好唔舒服, 唔想玩, 唔想食野, 淨係成日發呆同訓覺ja!  媽咪唔該唔好再用d jit筒幫我吸鼻水, 你知唔知咁樣好唔舒服呀!!!!!  仲有d藥水好苦, 一d都唔好味既, 所以每次你地餵我食野前我都要用條脷仔試清楚好味我先會食, 咁樣好麻煩呀! 到底幾時先會好返架?

Friday, 20 July 2007

  • 好耐無見

    好耐無上黎玩lu, 因為媽咪好唔得閒呀!  其實我都好唔得閒, 因為呢半年黎我學識左反身, 坐, 爬, 企同行幾步路, 每日都要用好多時間練習架, 所以唔得閒上黎lor!!! 

    除左特訓之外, 我都用好多時間玩架, 最近最鐘意既活動係游水!  o係游水既地方有個好大好大既浴缸架, 大過屋企果個好多好多呀, 如果屋企都有咁大個浴缸就好啦!  我最鐘意用手大力拍落d水度, 搞到個個都濕晒, 好好玩架!  仲有呀, 我有一隻私家遊艇, 坐上去晒太陽, 對腳又浸o係水度bor, 好涼浸浸, 好舒服呀, 次次都玩都唔捨得走!!!

     

     

Wednesday, 20 December 2006

  • 最近天氣凍左好多呀, 我塊面凍到好痛呀, 尤其是當洗完面搽cream既時候, 真係痛到'shu shu'聲! 不過又因為咁, 我塊面仔變左白裏透紅, 好靚呀, 哈哈! 

    除左塊面之外, 最近個頭仔都唔舒服呀, 婆婆話果d係頭泥, 成日搵d油幫我捽, 捽, 捽, 捽到紅晒, 又唔舒服喎, 我已經拎黎拎去唔俾佢整架啦, 佢係都要整, 宜家個頭仔紅晒啦, 無以前咁靚仔呀!  不過我都知佢係為我好既.... 頭泥呀, 你快d走啦, 我唔要你呀!!!!!

  • 早幾個星期爹爹媽媽帶左我去bb按摩班, 去到有好多大人圍住我, 個個見到我都嘩嘩聲, 又話我好肥, 又話我好大隻, 乜我真係好肥咩  果個地方好得意, 有好多bb個個訓晒o係度, 我當然係其中之一個啦, 我地個個bb都要俾人除晒衫, 被所有人見到晒全身架, 我都係第一次o係咁多人面前除衫架ja...之後爹爹媽媽幫我按摩, 嘩, 原來按摩好舒服架, 摸下心口仔, 摸下肚仔, 又捽下腳仔同肥大脾, 舒服到不知不覺訓著左呀

Top Tags - Weblog

[no tags]

Recent Albums